Көп жылдан бері АҚШ-тағы білім беру жүйесі әлемдегі ең беделді және ең икемді жүйелердің бірі болып саналады. Әлемге танылған университеттер, оқытудың икемді жүйесі, жеке тәсіл және нақты мансаптық мүмкіндіктер. Бірақ сонымен қатар — жоғары бәсекелестік, көптеген формальдылықтар және қатаң дедлайндар. Бұл мақалада АҚШ-та білім алудың артықшылықтары мен Қазақстаннан баратын талапкерлердің қандай маңызды сәттерді жіберіп алмауы керектігін түсіндіреміз.
Қазақстандық студенттер үшін АҚШ-тағы жоғары білім
АҚШ — мектеп бітіруші қазақстандық түлектер бірден бакалавриатқа түсе алатын санаулы елдердің бірі. Еуропаның көп бөлігінде міндетті Foundation бар, ал АҚШ-та бұл талап жоқ. Бұл уақытты үнемдеуге және тезірек мамандық алуға мүмкіндік береді. Бірақ бұл жол оңай дегенді білдірмейді. АҚШ университеттері «holistic approach» қолданады — талапкердің тек аттестатын емес, оның мотивациясын, жеке қасиеттерін, қызығушылықтарын бағалайды.
Колледж немесе университет?
Жоғары білімді колледждерде немесе университеттерде алуға болады. Айырмашылығы:
- колледждер негізінен бакалавриатқа бағытталған, магистратура және PhD бағдарламалары аз дамыған;
- колледждер — кішігірім, университеттер — ірі және студент саны көп;
- таңдауды талапкердің жеке қалауы анықтайды.
АҚШ-та білім алудың артықшылықтары
Академиялық артықшылық.
АҚШ — әлемдік білім беру саласының көшбасшысы. Times Higher Education (THE) рейтингіне сәйкес ТОП-10 университеттердің бірнешеуі АҚШ-та орналасқан (мысалы, Stanford — 2 орын; MIT — 3 орын; Harvard — 4 орын).
Алайда міндетті түрде Гарвардқа немесе Стэнфордқа түсу қажет емес — АҚШ-та 4000-нан аса университет бар. Қазақстандық талапкерлер үшін қолжетімді, талаптары түсінікті, бірақ сапасы жоғары көптеген оқу орындары бар.
Бағдарламалардың көптүрлілігі.
Мамандандыру бағыттарының кең таңдауы және курстарды еркін тіркеу — студентке жеке оқу траекториясын құруға мүмкіндік береді.
Оқытудың икемділігі.
Бакалавриатта мамандықты бірден емес, кейінірек таңдауға болады.
Технологиялық даму.
АҚШ — инновация саласының әлемдік көшбасшысы. Университеттер заманауи зертханалармен және құрылғылармен жабдықталған.
Шетелдік студенттерге қолдау.
Адаптация бағдарламалары, академиялық көмек және консультациялар ұсынылады.
Халықаралық орта және байланыстар.
АҚШ-та 180-нен астам елден келген студенттер оқиды. Бұл — жаһандық желі құруға, көпұлтты ортада жұмыс істеуге және халықаралық комьюнити мүшесі болуға мүмкіндік.
Мансаптық перспективалар.
Кең еңбек нарығы, стажировкалар және мансап орталықтары студенттерді табысты болашаққа дайындайды.
АҚШ университетіне қалай түсуге болады
Шетелдік студент үшін АҚШ университетіне түсу — стратегия, уақытты басқару және эсседе өзіңізді сенімді көрсету.
Үш формат бар:
- Regular Decision — тамыздан қаңтарға дейін. Жауап — наурыз–сәуір.
- Early Action / Early Decision — қазан–қараша. Early Decision — қабылданса, міндетті бару.
- Rolling Admission — жыл бойы. ТОП-50 қолданбайды, бірақ ТОП-100 ішінде бар.
Көптеген университеттер SAT талап етпейді, бірақ жоғары балл — артықшылық және стипендия алу мүмкіндігін арттырады.
Америкалық ЖОО тек академиялық көрсеткішті емес, талапкердің мінезін, бастамашылдығын, қоғамдық белсенділігін бағалайды.
Талаптар
- 10–11 сыныптар транскрипті, GPA 3.5-тен бастап;
- ағылшын тілі деңгейі: TOEFL iBT 80+, IELTS 6.5+, Duolingo 105+;
- эссе;
- мұғалімдерден рекомендациялар;
- шығармашылық бағыттарға — портфолио;
- отбасының қаржылық мүмкіндігін растау.
АҚШ студенттік визасы
Университеттен оффер алған соң, виза рәсімделеді.
Қаржылық мүмкіндікті көрсету қажет:
$20 000–60 000 (университет пен қалаға байланысты).
Шот бұғатталмайды, яғни қаражатты қолдануға болады.
Pathway бағдарламасы
Ағылшын тілі немесе академиялық база жеткіліксіз студенттер үшін.
Бұл — 1-курсқа тең дайындық жылы, бірақ қосымша жыл қоспайды. Бағдарлама:
- адаптацияны жеңілдетеді;
- университет жүйесін үйренуге көмектеседі;
- академиялық іргетас қалайды.
Талаптар:
- GPA 3.0+
- TOEFL 60+ немесе IELTS 5.5+
- мотивациялық хат, рекомендациялар (университетке байланысты)
Бағасы: $5 000-нан бастап / семестр.
2+2 моделі
2 жыл — community college
2 жыл — университет.
Артықшылықтары:
- алғашқы екі жыл 2–3 есе арзан;
- талаптар жеңіл;
- тілдік және академиялық адаптация;
- университетке ауысқанда стипендия мүмкіндігі жоғары.
Диплом — толық төрт жылдық бакалавр дипломымен бірдей.
Оқу құны мен стипендиялар
АҚШ-та оқу құны:
Жылына $10 000–70 000 — университетке, мамандыққа және аймаққа байланысты.
Мемлекеттік университеттерде: $15 000–35 000.
Жеке университеттерде: $40 000–70 000.
2+2 колледждарында: $7 000-нан бастап.
Тұру, тамақ, сақтандыру шығындары — бөлек төленеді.
Америкалық университеттер береді:
merit-based scholarships — академиялық жетістіктерге;
need-based — қаржылық жағдайға байланысты.
Бірақ ешқандай кепілдік жоқ: студент ерекше болуы керек.
АҚШ-тағы студенттік өмір
Кампустарда бәрі бар:
жатақхана, асханалар;
спортзалдар, кітапханалар;
клубтар, үйірмелер, волонтёрлік;
медорталықтар, театрлар, іс-шаралар.
Студентке айына шамамен $1 000–1 200 қажет.
Жұмыс істеуге болады:
аптасына 20 сағатқа дейін кампуста;
оқуды аяқтағаннан кейін — 12 ай OPT, STEM мамандықтарында — 3 жылға дейін.
Біз сізге қалай көмектесе аламыз?
New Generation Халықаралық Білім беру Орталығы АҚШ, Еуропа және Азия университеттеріне түсуге 25 жылдан бері көмектеседі.
Біз ұсынамыз:
- кәсіби консультация;
- университет таңдау;
- құжаттарды дайындау;
- визалық қолдау;
- 1 және 2 жылдық «Поступление + сопровождение» пакеттері.
Біздің менеджерлерге хабарласыңыз — тегін консультация аласыз.